Жетісу облысында «Талдықорған-Қалбатау-Өскемен» автожолы қайта жаңартудан өтті

Республикалық маңызы бар «Алматы-Өскемен» автомобиль жолының Жетісу облысына қарасты 287-615 шақырым аралығындағы «Талдықорған-Қалбатау-Өскемен» автожолын қайта жаңарту жобасы аясында ауқымды жұмыстар жүргізілді. Нәтижесінде жалпы ұзындығы 314 шақырымды құрайтын автожолдың 480-615 шақырым аралығы қолданысқа берілді.

Жол қауіпсіздігін қамтамасыз ету мақсатында келесі жұмыстар атқарылды:

- Ақпараттық таблоидтармен жабдықталған бақылау аркалары орнатылды;

- Жарық тіректері мен бейнебақылау камералары қойылды;

- Жол бойына арнайы тор қоршаулары орнатылды;

- Термопластикалық жолақ сызықтары мен жол белгілері жүргізілді.

Барлық жұмыстар заманауи стандарттарға сәйкес орындалып, халық игілігіне пайдалануға берілді.