Заманауи өткізу пункті Солтүстік Қазақстан облысындағы М-51 "Ресей Федерациясының шекарасы (Челябинск)-Ресей Федерациясының шекарасы (Новосибирск)" автожолының 465 шақырымында орналасқан. Нысандағы күрделі жөндеу жұмыстарының нәтижесінде қозғалыс жолақтарының саны көбейіп, жеңіл көліктер 4 жолақпен, ал жүк көліктер жеке бір жолақпен қозғалатын болды. Сонымен қатар, заман талаптарына сәйкес жабдықталған кедендік бақылау модулі, пункттің екі жағынан ыстық су тартылған 2 жылы дәретхана модулі, "Янтарь-1А" радиациялық бақылау жүйесі мен жүк көліктердің салмағын автоматты тұрғыда өлшейтін "САИС" жүйесі бар.