«QAZAVTOJOL» ҰК» АҚ БАСҚАРМА ТӨРАҒАСЫ АСҚАР МҰРАТҰЛЫ ЖАМБЫЛ ОБЛЫСЫНЫҢ ҚҰРЫЛЫС ЖӘНЕ ҚАЙТА ЖӨНДЕУ НЫСАНДАРЫН АРАЛАДЫ

«QAZAVTOJOL» ҰК» АҚ БАСҚАРМА ТӨРАҒАСЫ АСҚАР МҰРАТҰЛЫ ЖАМБЫЛ ОБЛЫСЫНЫҢ ҚҰРЫЛЫС ЖӘНЕ ҚАЙТА ЖӨНДЕУ НЫСАНДАРЫН АРАЛАДЫ

«QAZAVTOJOL» ҰК» АҚ БАСҚАРМА ТӨРАҒАСЫ АСҚАР МҰРАТҰЛЫ ЖАМБЫЛ ОБЛЫСЫНЫҢ ҚҰРЫЛЫС ЖӘНЕ ҚАЙТА ЖӨНДЕУ НЫСАНДАРЫН АРАЛАДЫ

"Қарағанды - Балқаш" автожолын тексергеннен кейін "QazAvtoJol" ҰК" АҚ Басқарма Төрағасы Асқар Мұратұлы "Балқаш-Бурылбайтал - Мерке" бағыты бойынша автомобиль жолындағы қайта жөндеу жұмыстарының барысын тексерді.

Тексеру Бурылбайтал кентінің базасында жүргізілді. Инспекция барысында тартылған мердігерлік ұйымдар жобаларда жүргізіліп жатқан жұмыстар туралы баяндады:

-жалпы ұзындығы 288 шақырым болатын «Балқаш-Бурылбайтал» учаскесі (мердігер ұйымдар: "Синохайдро", " Колин / СМС»).  

Қазіргі уақытта құрылыс нысандарында 1100-ге жуық адам, 550-ден астам техника жұмыс жасап жатыр. Учаскелердегі жол-құрылыс жұмыстарына, жасанды құрылыстар салуға және коммуникацияларды ауыстыруға 8 қосалқы мердігерлік ұйым тартылды.  

Жобаны іске асыру жұмыс өндірісінің бекітілген кестесіне сәйкес жүргізіледі. Қазіргі уақытта 81 шақырымда қозғалыс ашық. Жобаны толықтай аяқтау 2022 жылға жоспарланған.

-жалпы ұзындығы 228 шақырым «Құрты-Бурылбайтал» учаскесі

(мердігерлік ұйымдар: "Тодини/СМС" БК, "Синохайдро" АОҚБ және "СПИК Аккорд" ААҚ»).  

Құрылыс нысандарында 500-ден астам адам, 300-ге жуық техника жұмылдырылған. Учаскедегі жол-құрылыс жұмыстарына 1 қосалқы мердігер ұйым тартылды.

Сондай-ақ, 4 АБЗ (асфальтбетон зауыты) және 7 ДСУ (ұсақтау-сұрыптау қондырғысы) жұмылдырылды.

Қазіргі уақытта бір бағытта 100 шақырым жаңа жолдың қозғалысы ашық. Жалпы жобаны іске асыру жұмыс өндірісінің бекітілген кестелеріне сәйкес жүргізілуде және іске асыруды аяқтау 2021 жылға жоспарланған.

- "Меркі-Бурылбайтал" учаскесі.

Ұзындығы 266 шақырым болатын бұл учаске Жамбыл облысындағы Шу, Тәтті, Бірлік, Хантау елді мекендерінің бойымен өтеді.

Қазіргі уақытта құрылыс-монтаждау жұмыстарымен 262 шақырым жол қамтылған. China Xinxing Construction, "АБК-Автодор НС" ЖШС мердігер компаниялары жұмыстарды атқаруда. Жобаға сәйкес ұзындығы 86 шақырым болатын "Меркі-Шу" учаскесіндегі жол 4 қозғалыс жолағы бар I-б техникалық санатқа, ал ұзындығы 176 шақырым болатын "Шу-Бурылбайтал" учаскесі 2 қозғалыс жолағы бар II техникалық санатқа сәйкес келетін болады. 20 жасанды құрылыс-жол өтпелері, көпірлер және жолайырықтар салу жұмыстары жүргізілуде. Трассаны қайта құруға барлығы 300 бірлік техника мен 740-тан астам адам жұмылдырылды. Ағымдағы жылдың соңына дейін автомобиль жолының барлық бойында жаңа төсем бойынша қозғалыс ашу жоспарлануда. Жол қызметкерлері жобаны 2022 жылы толық аяқтамақ.