Өңірде республикалық маңызы бар "Атырау-Орал" автомобиль жолын реконструкциялау бойынша жобалау-сметалық құжаттама әзірлеу басталды
Осы жылдың сәуір айында жобалауға конкурс жарияланды. Бүгінгі таңда 8 учаске бойынша "КАЗДОРПРОЕКТ" ЖШС, "Казахский Промтранспроект" ЖШС және "Кустанайдорпроект"ЖИ ЖШС жобалық ұйымдары анықталды. Жобалаушылар дереу жұмысқа кірісіп, сапалы жоба әзірлеуге ниетті.
"ҚазАвтоЖол" ҰК" АҚ облыстық филиалында жобалау ұйымдарының өкілдерімен кеңес өтті. Кездесу барысында бастапқы құжаттарды алу бойынша негізгі мәселелер талқыланып, жұмысты жетілдіру, қоғамдық тыңдауларды ұйымдастыру, халықтың тілектерін есепке алу бойынша нақты тапсырмалар берілді. Филиал өз тарапынан жобалаушыларға жобалау жұмыстарын уақытылы және сапалы орындау үшін қолдау көрсететін болады. "Атырау-Орал" автомобиль жолы екі облыс орталығын байланыстыратын маңызды көлік дәлізі болып табылады. Тиісінше, жаңғырту екі өңір үшін қажетті жоба болып табылады.
