Солтүстік Қазақстан облысында республикалық маңызы бар Р-60 "Волошинка – Сергеевка – Тимирязево" автомобиль жолының 33-70 шақырымындары аралығында орташа жөндеу жұмыстары жүргізіліп, пайдалануға берілді.
Бас мердігер ұйым "Жол-құрылыс тресті-СК" ЖШС. Учаскеде ресайклинг технологиясын қолдану арқылы жол жабыны ауыстырылды. Сондай-ақ, 15 шақырымдық учаскеде гравий төсемі асфальтбетон жабындысына алмастырылды.
Жол-құрылыс маусымы аясында орташа және күрделі жөндеу жұмыстары жалғасуда.