icon
Қаріп өлшемі: A A A
Суреттер:

Вкл

Выкл


Жаңалықтар

2020 жылы «Атырау-Астрахань» автожолының Атырау облысы бойынша 60 шақырымы көлік қозғалысы үшін ашылады

Қазақстан Республикасы Премьер-Министрінің орынбасары Роман Скляр Атырау облысындағы жұмыс сапары барысында «Атырау-Астрахань» автожолындағы құрылыс жұмыстарының барысын тексерді. Іс-сапарға Атырау облысының әкімі Махамбет Досмұхамбетов, Автомобиль жолдары комитетінің төрағасы Сайранбек Бармақов,  «QazAvtoJol» ҰК» АҚ Басқарма төрағасы Ұлан Әліпов және мердігер ұйымдардың өкілдері қатысты.  

Қазіргі таңда күре жолдың құрылысы жоспар бойынша жүргізілуде. «Ақтөбе-Атырау-РФ шекарасы (Астрахань)» автожолының Атырау облысына қарасты учаскесінің ұзындығы 277 шақырымды құрайды. Тасжол 6 учаскеге бөлінген. Учаске бойынша жұмыстарға «СП «Сине Мидас Строй» ЖШС, Todini Costruzioni Generali S.p.A., Ant Insaat Maden Sanyi A.S мердігер ұйымдар жұмылдырылған. Ағымдағы жылы ұзындығы 60 шақырым учаске бойынша (км 833-853, км 853-893) көлік қозғалысын ашу жоспарланған. 12 көпір мен 22 су өткізгіш құбырдың құрылысы 50%-ға аяқталды. Км 648-693 учаскесінде айналма жолды орнату, жол-құрылыс материалдарын дайындау және жер қазу жұмыстары басталды. 

Қайта жаңарту жобасының аясында 277 шақырымда қиыршық-тас мастикалық асфальтбетон жабыны ауыстырылады. Сондай-ақ, 2 жол өткелі, 20 көпір, 36 аялдама мен 80 су өткізгіш көпір орнатылады. Транзитті жүргізушілер үшін 14 демалыс алаңының құрылысы көзделген. Ганюшкино елді мекенінде жол-пайдалану учаскесі, ал Аққыстау ауылында жол-пайдалану пункті салынады. 

Қайта жаңарту жұмыстарының қорытындысы бойынша, тас жол. ІІІ техникалық санаттан ІІ техникалық санаттың талаптарына сәйкес болады. Жоба аясындағы жұмыстарға 740 маман мен 560 арнайы техника жұмылдырылады.